ito ang send off

Sabi ng boss ko kanina, given the company's situation, hindi daw siya sure kung anong plano ng new manager namin sa akin (contractual kasi ako). Ibig sabihin, may possibility na pag balik ko galing sa aking one-month vacation ay wala na akong trabaho. Sabi ko okay lang, basta sabihin na lang niya para hindi na ako bumalik sa office.

Hindi na ako nasorpresa sa balita kasi anim na buwan na eh hindi pa din nila ako iniisyuhan ng kontrata. Yung pag-extend sa kontrata ko sinabi lang sa akin. Nagfollow-up naman ako regarding the contract pero wala silang binigay. At yung manager namin sa London, hindi rin nagrereply tuwing nageemail ako. Bastos ano? Pero nagtrabaho pa din ako dahil sineswelduhan naman ako.

May times na nalungkot at nafrustrate ako dahil pakiramdam ko ay dinadaya ako ng company. Natuto na nga akong maging manhid sa sitwasyon. Wala na akong pakialam sa kontrata basta sumasahod ako, tuloy ang trabaho. Tapos ngayon, ito nga ang balita.

Hindi ako nalungkot. Hindi din ako natakot. I guess ineexpect ko na ang araw na to. At the back of my mind, alam ko this day will come. Ready naman ako. So kung may matanggap akong email habang nagbabakasyon next month, matatanggap ko ng buong-buo. Whatever happens, it will be for a good reason.

Basta mag-eenjoy ako sa bakasyon namin. Mageenjoy ako ng todo.